Snart seksårsdag

Vi har ikkje greidd å finne lilla lasersverd i bursdagsgåve, men Yoda-kake vert det på seksåringen vår i morgon.

Det var berre å lage sjokoladekake, google "How to draw Yoda" og kjevle litt marsipan. Eg greidde ikkje å få lys i sverdet, men det får heller våge seg.

Jubilanten er stor Star Wars-fan og etter julafta har han ei stor samling Star Wars-lego. Tida er definitivt inne for å lære seg heile historia, så etter jul skal vi sjå alle seks filmane. Mamma gler seg òg.

24. desember

Ei lita julegåve frå meg og nissane er ein liten kalenderfilm. Ha ei strålande jul alle saman. Slapp av og ha det kjekt i lag med dei du bryr deg om.



God jul!

23. desember.

Eg greidde nådde akkurat å poste lisjejulaft-innlegget før midnatt. Det var eit ekspriment å tvinge seg sjølv til å blogge 24 dagar på rad. Det har gått bra, men eg ser at eg ikkje har lese og kommentert like mange bloggar som vanleg. Eg er rett og slett ikkje ein kvar-einaste-dag-bloggar. Kjekt har det vore likevel, og eg gler meg til å lese desember innlegg hos andre i romjula.

Minner framlleis im at dei somm kommenterer tre eller fleire gonger på kalenderinnlegga mine er med i trekning av nyttårsgåve. Lukke til!

22. desember

Det er på tide å pynte litt.

Eg lærte å klippe, brette og snurre papirstjerne ei jul ein gong på åttitalet. Utfordringa var å få strimlene rette og beine nok, men dette er nok den finaste julepynten eg veit. Dei kan brukst til det meste. Pakkepynt, juletrepynt, vindaugspynt, bordpynt...

No er endeleg Ingebjørg stor nok til å lære kunsten. Eg fann nokre ferdige strimlar i vene fargar hos Husfliden. Dei er litt breie og kraftige og perfekt for piapirstjernedebut. Vi kjem til å lage stjerner i staden for sånne kjedelege rydde-vaske-ting.

21. desember

I dag er det Tomasmesse, og etter norrøn tradisjon skal visst juleførebuingane vere ferdige slik at ein kan lyse julefred. Eg lever heldigvis ikkje i norrøn tid, så eg har nokre dagar til på meg.

Det har også vore tradisjon at julølet skulle vere klart til Tomasmesse. I år har vi fått hjelp til det frå Kinn Bryggeri i Florø. Det skal vå godgjere seg nokre dagar til, men juleølet er i alle fall i hus.

20. desember

Fjerde søndag i advent, så det var på tide å hente juletre. Sidan vi har eigen juletreskog var ikkje det noko problem. Vi kunne velge og vrake mellom bitte små, passelege og alt for store. Alle mann fann seg tre, så eg har registrert at vi manglar eitt sett lys og ein juletrefot. Det ordnar seg nok før torsdag. Pynt manglar vi ikkje.

Elles er konklusjonen at vi ikkje veit om vi har heilt kontroll på julestria. Det ordnar seg nok det òg.

19. desember

Når det vert advent brukar vi å hente fram julebøkene: Gubben og Katten og nissemaskina, Da nissen kyssa mamma og fleire. Det er så kjekt å lese dei same forteljingane oppatt kvart år. I år fekk vi ei ny favorittbok. Hilde Myklebust og Inger Lise Belsvik har skrive og illustrert boka "Jon og den lange julenatta". Den er ein ny favoritt. Iver er med som gjestebloggar og fortel kva den handlar om:

Boka handlar om ein gut som har ein hest som skal få eit føll på julenatta. Hesten heiter Tyra.

Jon han vaknar julemorgonen og det er snøv ute. Tyra skal få eit føll og Jon trur det skal kome ut i dag. Pappaen seier at han rett, for det kjem meir mjølk. Jon vil sove i stallen julenatta, og så tenker han på ting bestemora har fortalt. Han ventar i stallen heilt til føllet kjem ut.

Det er ei fin historie. Viss du lurer på kva føllet skal heite må du lese boka sjølv.



Denne er det berre å kjøpe. Passar i alle aldrar!

18. desember

Eg har prøvd å lage makronar etter denne oppskrifta. Det gjekk bra så lenge eg ikkje prøver å farge med bringebærpure. Her er det såpass forbetringspotensiale at eg må prøve ein liten runde til i helga.

...men det er kanskje litt seint å starte julekakeeksprimentering så seint i desember.

17.desember

Begge karane i familien har bursdag i desember, så vi har litt meir enn jule å passe på.

I dag er det den eldste mannen i mitt liv som skal feirast. Sidan vi flaksar litt rundt i landet i dag starta vi i går og held på med feiringa i heile tre dagar. Såpass må det vere.

Gratulere med dagen, prinsen min!

16. desember

Endeleg har eg funne eit stempelhjerte som er akkurat sånn som eg har ønska meg lenge. Passar perfekt til å lage merkelappar av.

Elles ønskjer eg meg litt andre ting òg. For dei som har etterlyst ønskjeliste kan de lese vidare: Bakeboka til Morten Schakenda, nokre andre bøker (klikk på orda om du er interessert), mjuke ullgensrar, utebukse til å vase ute i alle juesnøen som kjem til å kome og morosame ting som eg ikkje visste at eg ønskte meg.

I tilleg ønskjer eg meg tid til å sitte heilt i ro og strikke lenge.

Kva ønskjer du deg?

15. desember

Det er på tide å pakke inn pakkar, spesielt dei som skal sendast. Mange av våre kjem til å ha strikkepingvinar på i år.

Posten sine fristar finn du her.

14. desember

Det vert nokre heimelaga julegåver i år, men dei kan eg ikkje avsløre. Det får greie seg med ein liten smygkikk.

Eg skulle helst ha laga alle sjølv, men tida strekk ikkje tii desember, og så mykje tidlegare greier eg ikkje å tenkje på slikt.

13. desember

I dag skal halve familien spele kornett under årets julekonsert i kyrkja. Som gamal skulekorpsmusikant er korpsmusikk i kyrkja noko av det som gir sterkast julestemning. Spesielt den mektige klangen eit brassband kan skape i kyrkjerommet gir frysningar i julekjenslene hos meg.

Ein av favorittane mine, og den eg hugsa at vi øvde mykje på, er "The lost chord" komponert av Arthur Sullivan i 1877. Høyr det internasjonale Fresesarme-korpset og The Black Dyke Mills Band gje deg julestemning nedanfor.

Eg ønskjer kornettistane mine lukke til i kveld!

12. desember

Etter å ha sjekka kakeboksar fulle av kakerestar frå i fjor kjem eg til å revidere julebaksten i år. Vi kjem ikkje til å bake kaker vi ikkje åt i fjor, så no er eg på jakt etter alternative sortar. Det som førebels står på lista er delfiakake, sjokoladetrøflar, sjakkrutekaker og sandkaker.

Nokon som har tips til alternativ julebakst? Sjølv har eg funne ei oppskrift på Sarah Bernard vi skal prøve.



Eg minner om at dei som kommenterer på minst tre av kalenderinnlegga mine er med i trekninga om nyttårsgåve.

11. desember

"Jula står på kalenderen, og kjem uansett!"
"Vaske kan du gjere til våren."

Eg meiner eigentleg at det ikkje er så farleg om huset skin både inni og utanpå, alle skuffer er sortert og alle sjul slaga litt fint i kakeboksar. Det er så mykje anna som skjer i desember, at eg har ikkje tid til rundvask og boning av golv.

Likevel kjenner eg at eg har eit minstekrav. Det må vere så ryddig at eg kan slappe av. Eg treng ryddige flater og at ting ligg på sin eigen plass for at roen skal senke seg. Så sånn vert det. Vi ryddar og vaskar til jul for di vi vil det sjølv.

I desember prøver eg å finne mitt "rydde og vaske-equlibrium" der eg finn roen lisje julafta utan å vere heilt utslitt. Eg håper du finn ditt. God helg!

10. desember

I høve oppklaringa av "Forbrytelsen 2" på NRK i kveld (om du ikkje har sett den i nettv) presenterer eg den nye genseren min. ALlereie ein favoritt.

Sara Lund holdt brukte ikkje den raude genseren like mykje som ho brukte den kvite i fyrste sesong, men fann fram den med svart botn frå sesong 2 mot slutten. Den kjem eg ikkje til å strikke.

9. desember

Mandarinen (eller klementinen) er ein av dei viktigaste førjulsstemningskaparane. Butikkane bugnar, og enkelte dagar har eg berre lyst å ete mandariner.

Dagens tips eg for dei mandarina som skulle ha vore ete for nokre dagar sidan. Del dei i to og press dei i sitruspressa. Det vert ein nydeleg mandarin jus til frukost.

8. desember

I byrjinga av desember skoldar vi alltid mykje meir mandlar enn vi trur vi treng. Dei skal brukast til litt av kvart, som sandkaker og biscotti. Dei mandlane som vert att etter kakebaksten ristar vi med salt og paprika. Det er så godt at dei sjeldan rekk å kome i kakeboks, så her kjem eit tips for dei som har alt for mange skolda mandlar:

Sett ovnen på 200 grader.

Bland 1/2 ts halvsalt og 1/2 ts paprikapulver el. chillipulver.

Sett blandinga til side medan du ristar mandlane i langpanna i 6-10 min. Pass godt på og rør innimellom, for dei vert raskt brente.

Ha på 1 ss olje og rør til mandlene er dekka av eit tynt lag olje. Strø på salt- og krydderblandinga og rør godt.

Mandlane er best når dei vert servert litt lunka til kaldt øl.

7. desember

Då eg var lita feira vi jul hos mormor og morfar utan for Oslo anna kvart år. Der hadde dei mange tv-kanalar allereie på åttitalet, og eg hugsar at denne songen traff meg midt i magen på lisje julafta i 1985. Eg og pappa sat i sofaen og såg denne musikkvideoen medan det vart pynta rundt oss. Så mykje meir kan eg eigentleg ikkje hugse frå den jula.

Eg var ni år og etter det har Last Christmas med Wham gitt meg flashback og den ultimate julestemninga. Enjoy!

6. desember

Faste lesarar veit at det er raudt som gjeld heile året hos meg, jul eller ikkje.

Desse koppane fann Iver på Ikea og dei sklei lett inn i samlinga av raudt glas. I dag trur eg vi skal plukke fram nisseserviset. Det er jo i desember det kan brukast.

Eg utfordrar alle til å ta ein pause i lag med favorittjulekoppen i dag. Du må gjerne blogge den.



PS Dei som kommenterer meir enn tre gongar før julafta er med i nyttårsgåvekonkurransen!

5. desember

Eit lite desembertips frå ei mor med Tårnfrid-tendensar:

Frossenpizza er heilt nødvendig for å kome gjennom førjulsvekene og alt som skjer på fornuftig vis. Mega hadde heildigvis supertilbod i november, så vi har fyllt opp frysen med ulike favorittar. Tenn lys og ha det hyggeleg!

4. desember

Det var eg som fekk opne julekalender hos oss i går. Iver hadde proklamert for minst ei veke sidan at han trengte ikkje kjøpe noko, for han hadde laga adventsgåve. I verdas søtaste eske låg eit sirleg utklipt, raudfarga hjerte med teksten: "TIL MAMA ADVENT GAVE". Heldige meg!

Vi er heldigvis ikkje fleire enn fire i familien, for då går adventskalenderen opp. alle må kjøpe seks pakkar kvar og dei vert hengt opp etter eit skjema som vert henta fram kvart år. EDet er nok den viktigaste juletradisjonen vi har.

Ute i bloggverda er det mange som kalenderbloggar i år. Merete har samla nokre av dei her.

Eg og nissane har tenkt å halde det gåande i nokre veker til, og for dei som kommenterer tre gonger eller meir innan julafta er med i trekning av nyttårsgåve. Lukke til!

3. desember

Ein av dei tinga eg ønskjer meg til jul er tid til å sitte heilt i ro og strikke. Sdjølv om eg greier å smette inn nokre masker her og der, og passar på og alltid ha noko med meg vert det ikkje nok i kvardagen.

Difor er det heller ikkje haugevis med heimestrikka julegåver frå mi hand. Dersom eg skal strikke noko til nokon må det vere klart lenge før 1. desember, og så langt i planlegginga kjem eg sjeldan. Ikkje får eg så mange heimestrikka gåver heller. Folk reknar med at eg strikkar sjølv. Det dei ikkje tenkjer på er at akkurat fordi eg strikkar sjølv set er ekstra stor pris på at nokon andre strikkar til meg. Eg tek heller ullsokkane frå farmor, og bursdagssjalet frå mormor enn dei eg har laga sjølv.

Eg vert difor kjempeimponert over dei som planlegg heimestrikk til jul. Spesielt er Yarn Harlot i ei klasse for seg sjølv. Eg kan ikkje sjå at ho har starta årets innspurt, men kik i desember arkiv frå dei siste åra, så ser de ein imponerande strikkekustus.

Ha ein farmleis strålande desember. I morgon skal eg oppsummere nokre av dei andre som driv med julekalenderblogging. Det er ein mangslungen gjeng. Start med Bård Vegar Solhjell sin adventsserie om David Bowie.

Eg minner om at dei som kommenterer tre gongar eller meir før julafta er med i nyttårsgåve-trekking.

2. desember

Eg har sett gjennom bunken med julekort frå i fjor. Den vert alltid pakka slik at vi kak kike på dei når vi tek fram adventspynten. Mange av dei vi kjenner har bilete av ungane eller heile familien på kortet, og det er alltid kjekt å sjå korleis dei vert større for kvart år. For oss er julekortbiletet er ei god unskuldning for å få tatt fellesbilete av ungane med jamne mellomrom, så det har vi tenkt å halde fram med.

Har du tenkt på julekort i år? Dersom du treng inspirasjon har Bodil Bo laga ein julekortkavalkade frå dei siste åra.

Velkomen att i morgon!

1. desember

Brått vart det 1. desember. Det var akkurat som hausten var litt ekstra kort i år, så eg treng ein litt lang desember. Eg likar eigentleg førjulstida best, så kvart år er målet at mest mogeleg skal vere gjort og planlagt før 1. desember. Då får eg betre tid til å gjere juleting i lag med mann og barn. lage pepakakehusfest, strikke nissar og glede meg til jul.

I år er ein av planane å ha julekalender på bloggen. Det har eg aldri prøvd før, men det er så kjekt å følgje andre som legg ut eit innlegg kvar dag fram til desember at eg har lyst å dele litt herifrå òg. Til å hjelpe meg har eg fått Søstrene Grene-nissane.

Eg veit at Merete skal telje ned til jul, men send meg gjerne eit tips om andre bloggekalendrar. Då kan eg samle dei opp etter kvart. I tillegg vert det romjulstrekning. Tre av dei som har kommentert i kalenderen tre gonger eller meir får ei overrasking i posten på nyåret.

God før jul alle saman!