Strikkeshopping

Eg har handla litt. Det er så lenge sidan eg har fått strikka skikkeleg at eg trong litt inspirasjon.

Knitkid-boka er skrive av Trond Anfinnsen frå Stavanger, men gitt ut på eit amerikansk forlag. Ein skikkeleg smarting. Marknaden for slike bøker er mykje betre der.

Eg las om hatteprosjektet for fyrste gong i 2006 og har sidan det svinsa innom flickr-gruppa med jamne mellomrom for å sjå på alle dei flotte huene Knitkid har strikka. Han byrja å strikke fordi han synest det såg avslappande ut. Det vart mange huer og alle vart fotografter av kompisen Klaus.

I boka Hat heads er dei femti beste samla, men igså grunnleggande strikketips ig lure triks for deg som vil finne på huer sjølv. I tillegg presenterer han hue-eigarane i hyggelege tekstar.

Eg veit ikkje heilt kva som gjer at eg vert glad av å lese denne boka, men kanskje at noko så enkelt kan varierast i det uendelege. Det understrekar det eg likar så godt med strikking. Dei eigentleg enkle maskene som kan brukast til å skape akkurat det du vil.

Garnnøstene på bilete er Pickles-garn. For dokke som ikkje har oppdaga dei endå synest eg at de skal besøke www.pickles.no. Der legg....ut oppskrifter på det meste heilt gratis. No har dei fått sitt eige garn òg.

Eg har kjøpt veldig mjukt kaffibrunt garn i merino, kasjmir og silke. Akkurat no ligg mine nøster pent sånn at eg kan kose litt med det innimellom, men eg trur det skal bli vintersett av ein eller annan type.

Gnafs, gnafs

Eg etterkjem eit bittelite folkekrav og viser nærbilete av larven frå forrige post. Det er ikkje så lett å ta nærbilete av raude og grøne ting i sollys, men det er vel bra nok til å få eit inntrykk.

Eg har altså hekla rundingar i tynt, grønmelert sokkegarn og sydd dei pent på kjolen for hand. Utfordringa var å få til eit skikkeleg ansikt, så der prøve eg fleire storleikar og plassering av augene. Tilslutt var eg godt nøgd med smilet på denne karen.

Som eit eple/ Like an apple

Denne kjolen vart ferdig på ein intens sykveld i hovudstaden på forsommaren. Ei god veninne, som eig overlockmaskin, var ein framifrå assistent og mønsteret var det same som i monsterkjolen. Eg kjenne at dette kjem til å bli ein favoritt, men den passar litt betre om hausten enn om sommaren. Eg fekk endeleg med meg ein fotograf ut i kveld, men eg greier sjølvsagt ikkje å halde munn mens han tek bilete. Eg ser ikkje sånn ut heile tida ;-).

Raudfargen berre skreik etter ein liten grøn larve, så den vart hekla og sydd på for hand.

Stoffet denne gongen var skikkeleg bomullsvelur. Det er ikkje så lett å sy i, men med overlock gjekk det kjempefint. Eg trur eg må ynskje meg ei sånn når eg ein gong får arbeidsrom der symaskina kan stå framme.

Små måndagsgleder

Ei ny veske og ny fiskenøkkelring. Det skal ikkje meir til for å gjere meg litt glad ein måndag morgon.

Veska er sjølvsydd, og perfekt til alt det som må vere med kvar dag. I tillegg har den glidelås slik at dei tinga ikkje dett ut. Eg må visst lage litt fleire sånne.

Stoffet kjem frå www.bugfabric.com.

Strikkekrise! /Knitting crisis!

Eg skulle akkurat sette meg ned og strikke skikkeleg for fyrste gong på vekesvis. Nytt garn og oppskrift på Hermine-hua som Ingebjørg har bestilt, kaffien klar og middagen unnagjort. Eg skulle berre finne fram rett rundpinne...

Men kvar er dei? Eg finn ikkje ein einaste rundpinne (bortsett frå ukurate greier a la 20 mm til strikking av blånissegenser). Eg har rydda, men ikkje så grundig? Strikketida forsvinn vel i meir rydding i dag.

Inntil vidare får de kose dykk med denne flotte jakka frå siste nummeret frå Twist Collective. Eg har lånt biletet derifrå.

I was just going to sit down and knit properly for the first time for weeks. New yarn, the pattern for the Hermione hat Ingebjørg ordered, coffee ready and dinner's done. I would only find the right size circular needle...

But where are they? I find not a single circular needle to see. I didn't think I celaned the house so thoroughly?

While I do some more searching you can enjoy this great jacket from last number from the Twist Collective . I have borrowed the image from that page.

Siste sommarferiedag

Her i huset har vi nytta den siste, regnfulle dage før skulestart til rydding og oppreinsking. No er det så fint her at eg kanskje kanfå ro til litt strikking att. Medan vi ventar kan de kike litt på kosetreet vi fann på sommarferie i Kolding. Det er strikka av Isabel Berglund og fall i smak hos Iver.

I morgon er det skulestart for han òg, så då startar vi eitt nytt liv. Han har førebudd seg med å trene på springing: – For når klokka ringer må vi springe så fort vi kan...

Lukke til til alle andre fyrsteklassingar. Eg trur det vert kjekt!

JUS Å MAT

No er det like før. Nesten-skuleguten skal bli skulegut og starte eit nesten heilt nytt liv: Det tenkjer han mykje på. Det er nesten så det ikkje er plass til alle tankane inne i hovudet.

Korleis er det eigentleg på skulen? Korleis skal det gå når han ikkje kan lese fyrst (...det er jo lese og skrive ein skal gjere på skulen)? Tenk om ein må på do, også har dei andre lært noko mens han var ute? Kva med alle dei venene som ikkje skal starte før om eit år? Alle andre har jo mista ei tann, berre ikkje han.

Heldigvis kan Iver telle nesten til hundre og no kan han nesten lese òg.

Vi var så heldige å vinne Lise si 25000-besøks-utloddning, og den premien var midt i blinken for nesten-skuleguten vår. Han har skrive namnet sitt, skrive ord (t.d. dei i overskrifta) og gledd seg over at BIL og PIL er nesten det samme. Han har lese mange ord som Mamma eller Ingebjørg har skrive, og laga superlange ord av typen RSKBAFTUOLMDI (som Mamma må lese).

Lise har laga ein haug bokstavar i sommar inspirert av Happy Together. Premien kom i alle fall godt til nytte her i huset, og vi skal passe på å ta dei fram utover året når bokstavane skal lærast "på skikkeleg". Tusen takk Lise!

Det gror

Vi har hatt lang ferie og hagen har fått gro i fred. Det har gitt oss fullt kaos av alt for mange plantar på liten plass og graskar som held på å røme ut av bedet. Jordbæra vart kvelt, men no kan vi hauste litt av kvart anna.

Iver har tatt inn det fyrste graskaret frå planten frå barnehagen. Det vog 2,2 kilo, så no vil han ha graskarsuppe. Nokon som har oppskrift? Han har også plukka (og ete) dei fyrste gulrøtene.

Kva skal ein med stativ når tomatane kan henge rundt på forvokste graskarplantar. Det vert spennande å sjå om desse vert raude.

Marihønene og andre småkryp har vi sjølvsagt plass til. Denne har mange vener og gassar seg i bladlus på agurkurten.