Krimstrikk/ Crime knitting

Det var mange som la merke til den fine genseren kriminaletterforskar Sara Lund hadde på seg gjennom dei ti fyrste episodane av den danske serien "Forbrytelsen". I dei nye episodane har ho fått seg ny genser, men eg har bestemt meg for den gamle.

Det er sjølvsagt ikkje heilt enkelt å berre strikke genser rett frå eit bilete, men eg prøver. Så får eg heller rekke opp nokre gonger. Eg fann til slutt eit garn eg var nøgd med: Iglo frå Trysil garn. Kjøpt til ein billig penge hos Europris.

...og for dei innvidde. No finn du også MagFly på Ravelry.

I'm knitting the black and white sweater from this danish crime series. This picture is my only clue, but I'll give it a try.

And I'm finally on Ravelry as MagFly...

"Gi det vidare" - med interiørekstra

På ein bloggrunde greidde eg å dumpe borti ein slags stafett hos Bea og meldte meg på. Eg får noko i posten, og måtte love å gjennomføre dette i min blogg.

"Eg vil sende ei handlaga gåve til dei tre fyrste personane som legg att ein kommentar med ønske om å delta i GDV-utvekslinga. Eg veit ikkje kva gåva vil bli enno, du får den kanskje ikkje i morgon eller veka etter, men du vil motta den innan 364 dagar, det lovar eg!

Det einaste du treng å gjere i retur, er å "Gi det vidare" ved å love det samme på din eigen blogg".

For dei interiørinteresserte feira eg at vi har fått vask, vatn og lister på kjøkenet med eit bilete av mummikopp-samlinga vår. Desse er i bruk kvar dag.

Fleire interiørbilete kjem utover vinteren, men sidan eg bur her eg bur er ikkje fotolyset det beste etter arbeidstid.

Varm shrug

Ikkje ei truse, men "Alpine shrug" frå det siste Rowan magasinet. Dei har av ein eller annan grunn ikkje lagt ut bilete av akkurat denne på nettsidene.

Det vert med andre ord premie på Annika dersom du melder deg på e-post :-)

Eg veit ikkje heilt korleis eg skal oversette "shrug", men den fungera som ei teppesjaljakke. Veldig artig å strikke og supervarm på akkurat dei rette plassane. (Spesielt dersom du punktera på veg heim frå jobb og må ut å skifte dekk i skjørt og sko med høge helar...)

Fleire bilete her.

Annika was right. This is "Alpine shrug" from Rowan Magazine No 42. A very fun knit and perfect for the Norwegian autumn.

More photos here.

Kva er dette?/ What i this?

Dette er ein av fire delar. Strikka i Eskimo på pinne 10 og eg gler meg veldig til den er ferdig. Nokon som veit kva det er?

Som forsinka blogbursdagskonkurranse vankar det fin premie på ein av dei som kjem med rett svar.


This is one of four parts. Knitted in soft wool. I'm really looking forward to finnishing this item. Does anybody know what it is?

I will draw a nice prize among those of you leaving the right answer in the comments.

Varmevest

Når tjukke ullgensrar er for varme og undertrøya vert for tynn er ullvest eit godt haustalternativ. Denne vesten er strikka kjapt og greit med Hubro på tjukke pinnar. Faste lesarar kjenner sikkert att dette strikketøyet. Den har vore ferdig ei stund, men modellen har ikkje vore klar for fotografering før.

Med litt dekor vart også ho veldig fornøgd og den er brukt mykje på skule og SFO. Det er mogeleg at denne vert avløyst av ein ermlaus tunika før det vert skikkeleg vinter.

Løp og kjøp

OktoberRosa-auksjonen er i gong. Her finn du 135 ulike kreasjonar å by på. Det er berre å nytte høvet til å sikre seg julegåver allereie no.

Mine bidrag finn du her og her.

Løp og kjøp - og hugs å sjekke puppane dine ein gong i månaden.

Hemmeleg garn/ Secret yarn

Eg har fått pakke frå ein hemmeleg septemberven på Hobbyboden. Blåfargen vert perfekte tovavottar til Ingebjørg denne vinteren. Nokon som veit kor godt Mor Åse-garnet tover?

I got this yarn and beads from a secret pal. The color is perfect for Ingebjørg, and she will get a new pair of felted mittens. I just have to decide on the pattern.