Det er mykje strikkeinspirasjon å hente på andre strikkebloggar. Ein av mine definitive favorittar er Stephanie Pearl-McPhee, sjølvaste The Yarn Harlot. Tidlegare i veka viste ho fram dei nye vottane sine. Strikka av Matawa/ silk hankies/ silkelommetørkle - eg her ikkje funne noko norsk ord, men det er silkekokongar som vert dratt ut på ei ramme (25 cm x 25 cm) og tørka i stablar. Du kan sjå korleis ein gjer det her.
Eg måtte berre prøve. Berre tanken på vottar strikka av lause silkefiber var uimotståeleg. Før eg hadde tenkt meg om var 100 gram silke bestilt, og no er eg i gong. Det tek sjølvsagt lenger tid når eg må lage garnet under vegs, men eg gler meg sånn til det vert ferdig. Aller helst skulle eg hatt eit strikkedøgn sånn at eg fekk sitte i ro og fred å lage silkevottar.
Silkefibra er så lange at ein treng ikkje spinne dei til garn før ein strikkar. Eg løftar eit silke flak forsiktig opp, lagar eit hol i midten og dreg ut til "garnet" er passe jamt og tjukt. Til desse vottane vert kvart matawa til ca to meter silke å strikke med. Eg fann ei ok bruksanvisning hos Knitty for å lære denne teknikken. Som med det meste vert ein nok flinkare med litt trening.
Det vert sjølvsagt ikkje heilt jamt, men det gjer ikkje så mykje. Strukturen er litt av sjarmen. Desse vottane er i fleirfarga silke, men eg gler meg til å prøve eit par einsfarga òg. Då kjem fibrane verkeleg til sin rett.
Nei, no må eg strikke meir. Berre eit silkeflak til, og eitt til, og eitt til... Godt det er søndag.
10 kommentarer:
Dette hørtes virkelig kjempespennende ut! Og flott blir det også.
Tøft !
Må vel testes ut her også ser det ut som !
WOW - du er flink! Det ser jo så flott ut!
- og no som eg var så godt i gang med quiltinga igjen! Silke er jo favorittfiberen. Reknar du med å bruke 100g til eit vottepar?(eg tenkjer litt på prisen) Veldig freistande å bestille seg litt til toving av skjerf/sjal.
Jøss, dette så spennende ut! Gleder meg til å se vottene ferdig!
The final result its really perfect. I really like that.
Kjempefin hals og sprek sveis, Magni! Den sveisen kler du godt. Ja halsen også. :) Gratulerer med ny jobb også. Blir eit tap for tunet, men ein gevinst for trivselsfylket. Lykke til!
Det ser både lekkert, spennende og komplisert ut. Gleder meg til å se vottene ferdige :-)
Du har vunnet en trøstepremie i trekningen på bloggen min. Send meg navn og adresse til denne e-postadresse: hilde.- @ hotmail.com (uten mellomrommene rundt @), så får du snart trøstepremien i posten :-)
Oi, gøy! Hvordan er sånne silkevotter i bruk?
Folket forlanger rapport! :)
Legg inn en kommentar